मोसंबी पिकासाठी ही योजना अधिसूचित जिल्हा व अधिसूचित तालुक्यातील अधिसूचित महसूल मंडळात राबविण्यात येते. योजना कार्यान्वित करणारी विमा कंपनी शासनाच्या महावेद प्रकल्पांतर्गत स्थापन केलेले हवामान केंद्रात नोंदवल्या हवामानाच्या तपशीलानुसार विमा योजनेत भाग घेतलेल्या शेतकऱ्यांना परस्पर नुकसान भरपाई देईल. मोसंबी पिकास नमूद केलेल्या विमा संरक्षण कालावधीत निवडक हवामान धोक्यामुळे होणाऱ्या संभाव्य पीक नुकसानीस (आर्थिक ) विमा संरक्षण प्रदान होईल. तीन वर्षे पूर्ण झालेल्या उत्पादनक्षम बागेस विमा संरक्षण राहील.
Citrus Fruit|मोसंबी फळपिकासाठी विमा योजना 2025
नियम व अटी
- या योजनेचत भाग घेण्यासाठी शेतकऱ्यांचा अॅ ग्रीस्टॅक नोंदणी क्रमांक आवश्यक आहे.
- या योजनेत सर्व शेतकरी भाग घेऊ शकतात. पीक कर्ज घेणाऱ्या बिगर कर्जदारांसाठी योजनेतील सहभाग ऐच्छिक राहणार आहे.
- बिगर कर्जदार शेतकरी विहित मुदतीत बँकेने किंवा ऑनलाईन फळपीक विमा पोर्टल www.pmfby.gov.in वर विमा हप्ता जमा करून सहभाग घेऊ शकतात.त्यासाठी अॅ ग्रीस्टॅक नोंदणी क्रमांक,आधार कार्ड,जमीन धारणा 7/12 , 8 (अ ) उतारा आणि पीक लागवड स्वयंघोषणा पत्र, फळबागेचा जिओ टॅग केलेला फोटो, बँक पासबुक वरील खाते बाबत सविस्तर माहिती लागेल. कॉमन सर्विस सेंटर मार्फत अर्ज ऑनलाइन भरता येईल.
- विमा योजनेअंतर्गत हवामान धोक्याच्या ट्रिगर कार्यान्वित झाल्यास त्या महसूल मंडळातील त्या पिकासाठी भाग घेतलेल्या शेतकऱ्यास नुकसान भरपाई रक्कम संबंधित विमा कंपनीकडून देण्यात येणार आहे.
- शेतकऱ्यांनी फळपीक लागवड केली नसताना किंवा उत्पादन योग्य फळपीक नसताना, दुसऱ्याच्या जमिनीवर किवा शासनाच्या जमिनीवर, अकृषक जमिनीवर विमा काढून विमा योजनेत सहभाग घेतल्यास त्याचे विरुद्ध कडक कारवाई होऊ शकते. यासाठी ज्या शेतकऱ्याकडे उत्पादन योग्य वेळेची फळबाग आहे, त्यांनी योजनेत सहभाग घ्यावा.
- शेतकऱ्यांनी फक्त स्वतःच्या जमिनीवर पीक विमा घ्यावा. शेतकऱ्यांनाही ई-पीक पाहणी बंधनकारक आहे. ई-पीक पाहणी आणि विमा घेतलेले पीक या तफावत आढळल्यास विमा अर्ज केव्हाही रद्द होऊ शकतो.
- एक शेतकरी त्याच्याकडे एकापेक्षा अधिक अधिसूचित फळपीके असल्यास तो या सर्व पिकांसाठी तो विमा योजने सहभाग घेऊ शकतो.
- या योजनेत प्रती शेतकरी सहभागासाठी कमीत कमी उत्पादन क्षमक्षेत्र 20 गुंठे (0.20 हेक्टर ) अशी मर्यादा राहील .तसेच जास्तीत जास्त क्षेत्र मर्यादा ही सर्व फळपिके व दोन्ही हंगाम मिळून प्रति शेतकरी 4 हेक्टर मर्यादेपर्यंत राहील.Citrus Fruit|मोसंबी फळपिकासाठी विमा योजना 2025
- मोसंबी फळपिकासाठी मृग अथवा आंबिया बहर हंगामात विमा संरक्षण देय आहे. मात्र एक शेतकरी त्याच्या सर्व पिकास यापैकी ज्या अंगावर तो पीक घेतो त्या एकाच हंगामात भाग घेऊ शकतो.
- विमा योजनेमध्ये सहभागी होण्यासाठी आणि विमा नुकसान भरपाई मिळवण्यासाठी शेतकऱ्याची बँक खाते आधार आधारित पेमेंट साठी लिंक असावी. शेतकऱ्यांसाठी ऑनलाइन हप्ता भरण्यासाठी विमा पोर्टल www.pmfby.gov.in शेतकऱ्यांनी उत्पादन योग्य फळपिक नसताना विमा योजनेत सहभाग घेतल्यास त्याच्या विरुद्ध कडक होऊ शकते. ज्या शेतकऱ्याकडे उत्पादन योग्य वयाची फळबाग आहे. त्यांनी योजनेत सहभाग घ्यावा.
- अधिक माहितीसाठी शेतकऱ्यांनी आपल्या संबंधित विमा कंपनी, तालुका कृषी अधिकारी कार्यालयासाठी संपर्क साधावा.
हवामान धोका व कालावधी प्रमाणके (ट्रिगर ) आणि नुकसान भरपाई रक्कम ( प्रति / हेक्टरी)
कमी पाऊस : 1 जुलै ते ते 31 जुलै : या कालावधी एकूण 75 मी.मी. पेक्षा कमी पाऊस झाल्यास नुकसान भरपाई 50,000 रुपये देय होईल. या कालावधीमध्ये एकूण 75 मी.मी ते 125 मी.मी पासस झाल्यास नुकसान भरपाई 15,000 रुपये देय होईल. (कमाल नुकसान भरपाई रक्कम 50,000 रुपये )
पावसाचा खंड: 1 ऑगस्ट 31ऑगस्ट : या कालावधीमध्ये सलग 15 ते 21 दिवसांचा पावसात खंड पडून दिवसाचे जास्तीत जास्त आपण कोणत्या दिवशी 33 अंश सेल्सिअस किंवा त्यापेक्षा जास्त राहिल्यास नुकसान भरपाई रक्कम 22,500 रुपये देय राहिले. सदर कालावधीत सलग 21 दिवसांपेक्षा जास्त प्रवासाचा खंड पडल्यास तसेच दिवसाचे जास्तीत जास्त तापमान सलग 3 दिवस 33°c किंवा त्यापेक्षा जास्त राहिल्यास 50,000 रुपये नुकसान भरपाई देय राहील. 2. 5 मी.मी पेक्षा कमी पाऊस पडला तरी तो खंड समजण्यात येईल.( कमाल नुकसान भरपाई रक्कम 50,000 रुपये )
एकूण विमा संरक्षित रक्कम:प्रति हेक्टरी 1,00,000 रुपये.
विमा योजनेत समाविष्ट जिल्हे आणि संबंधीत विमा कंपनी
| जिल्हा | विमा कंपनी |
| जळगाव,नांदेड,हिंगोली,यवतमाळ,वर्धा, | भारतीय कृषि विमा कंपनी लिमिटेड |
| जालना | फ्युचर जनरली इंडिया इन्शुरन्स कंपनी लि. |
| छत्रपती संभाजीनगर ,धाराशिव,अमरावती,अकोला,नागपूर,परभणी | युनिव्हर्सलसोम्पो जनरल इन्शुरन्स कं.लि. |
| पुणे,बुलढाणा,अहिल्यानगर,सोलापूर,बीड | बजाज अलियान्झ जनरल इन्शुरन्स कंपनी लिमिटेड |
विमा सरक्षण रक्कम प्रति हेक्टरी : 1,00,000 रुपये
भाग घेण्यासाठी अंतिम दिनाक : 30 जून 2025
शेतकऱ्यांसाठी विमा हप्ता : 5,000 प्रति हेक्टरी